Lefel 2 Niwro- Gofal Anifeiliaid

Mae’r cwrs Lefel 2 Gofal Niwro Anifeiliaid yn un cynhwysol sydd wedi’i gefnogi’n llwyr, a'i nod yw darparu’r amgylchedd dysgu sydd orau i CHI. Mae’r cwrs hwn wedi’i lunio i fodloni anghenion a gallu dysgwyr niwroamrywiol, ac mae’n ffordd wych o ddysgu rhagor am ofal anifeiliaid a’r hyn y gallai ei gynnig.

Bydd y Ganolfan Gofal Anifeiliaid rhagorol yn rhoi cyfle i chi feithrin sgiliau ymarferol gwerthfawr gyda dros gant o rywogaethau anifeiliaid, gan gynnwys cwningod, geifr, nadroedd, madfallod a chnofilod. Byddwch hefyd yn dysgu ystod eang o wybodaeth sylfaenol. Bydd y cyfuniad hwn yn rhoi mantais i chi gyda’ch llwybr gyrfa dewisol.

Bydd y cwrs Gofal Niwro Anifeiliaid yn rhoi i chi’r cyfuniad perffaith o sgiliau i gynyddu eich uchelgais, gan sicrhau eich bod yn cael y profiad gorau a’r wybodaeth i lwyddo. Byddwch yn gweithio gyda staff arbenigol i ddatblygu eich sgiliau mewn gofalu am anifeiliaid. Bydd yn cael eich cefnogi’n llwyr, a byddwch hefyd yn meithrin sgiliau cymdeithasol, cyfathrebu, trefnu, a sgiliau bywyd a byw.

Byddwch yn canolbwyntio ar ddatblygu llythrennedd a rhifedd ar y rhaglen, a bydd cyfle i chi ymgymryd â chymwysterau Sgiliau Hanfodol Cymru neu gymwysterau TGAU.

Byddwn yn pennu Anogwr Cynnydd i chi, a fydd yn eich helpu trwy gydol eich amser ar y rhaglen. Bydd yr anogwr yn sicrhau bod unrhyw gymorth Anghenion Dysgu Ychwanegol ar waith cyn i ddysgwyr ddechrau ar eu cwrs. Bydd hefyd yn sicrhau bod unrhyw anghenion newydd am gymorth a fyddai’n gallu ymddangos yn cael eu cynnwys yn eich rhaglen i’ch helpu i lwyddo. Cefnogir y cwrs yn llawn i fodloni anghenion unigol a gwahaniaethau dysgu.