Yn ystod y cwrs hwn, byddwch yn astudio busnesau tir amgylcheddol, rheoli ystadau, astudiaethau amgylcheddol, cadwraeth a gwella cynefinoedd Prydain ac ecoleg cynefinoedd trefol. Ar draws eich pynciau, byddwch yn ennill sylfaen eang o wybodaeth sector-benodol gan ddysgu am newid hinsawdd, monitro poblogaethau planhigion ac anifeiliaid, deall bygythiadau i ecosystemau a sut mae anifeiliaid a phobl yn cael budd ohonynt, a sut i ofalu’n well am ein tir, ein dŵr a’n haer mewn modd mwy cynaliadwy.

Byddwch hefyd yn cael y cyfle i ddeall yn well y sector cyffrous hwn sy’n datblygu, gan archwilio busnes yn y diwydiant amgylchedd ac ecoleg gan ymgymryd â phrofiad gwaith gwerthfawr gan roi hwb i chi ar lwybr gyrfa o’ch dewis.

Bydd tiroedd ardderchog y coleg yn Llaneurgain a chysylltiadau helaeth gyda chyflogwyr allanol a phrosiectau cadwraeth yn rhoi cyfle i chi feithrin sgiliau ymarferol a dealltwriaeth gwerthfawr. Bydd sgiliau ymarferol yn cael eu meithrin ar gyfer cynnal ystadau, gan gynnwys codi ffensys, cynnal adeiladau/strwythurau, yn ogystal ag arolygu ecolegol cynefinoedd anifeiliaid a phlanhigion a gwarchod ystod o gynefinoedd gwahanol.